(أوبريت الضحية)
شارك في اداء هذا الاوبريت كلن من / الفنان المتالق محفوظ بن بريك ، والفنانه امون باعكيم الفنان / عبدالله عوض بابرعوص و الفنانة /عائشة أحمد و الفنان المعروف / سعيد عمر فرحان (بوعمر ) رئيس فرقة الرقص الشعبي وضع الموسيقى الفنان / أحمد مفتاح
رقصة ( نوربادي صبح يالله على نور بادي ) ابتكر ايقاعه الإيقاعي /عوض بايعشوت أخرج الأوبريت / المخرج المسرحي المعروف / محمد عوض باصالح
أوبريت الضحيه
مخيزم :
بلادي لو عيش شاوي وراعي ضـــون
فرقة الدار صعبه محينه
والعشق بلوه غصبه نقلني ونا في الخـــون
لامثاوي ســــعاد الزبينه
نا فيش حبيت يامشقاصيه رحيمة لــــــون
بعد ماشفت سيرتش زينه
العروس :
قاطع وكبريت ماهو عسل ذا صبر معجون
لا طعمته تروح كنينه
مخيزم :
بصبر على الجور منش وعالبخص هو والهون
لنتي ترضين لي بالهوينه
العروس :
باشوف صبرك باجرب الصبر كيف يكــــون
بيننا الوقت مطول سنينه
مخيزم :
وانا مـــــــن اليوم بحفظ عهودك ولا باخـــون
كل من حب حد مايخينه
العروس :
وانت وايش قصدك في العشق قلي مالمضمون
قطع تبغاه ولارهينه
مخيزم :
ابغاش زوجه بالعقـــــد والنقــــد والماذون
بانخلي العلاقه متينه
العروس :
كلـــم وليي ودفع له المــــهر والعربون
والعرس بايقربه حينه
مخيزم :
يالله اتفقنا باكلمه مـــــــــرحبا ولعـــــون
والخبر عقب باتسمعينه
وفي هذه اللحظه ياتي ابن عمها ويدخل في مشاجره معها
ابن العم :
من كان عندش ويقول لك ايش ذا المجنــــون
قولي تكلمي يالعينه
العروس :
وانت وايش دخلك مشي كما الناس لي يمشـــون
وايش دخلك بيني وبينه
ابن العم :
نا ابن عمش مابرخصك شي لحد بالــــدون
لو يجي الثعر وابن الزبينه
العروس :
انته مــــــــزوج ومعـــاك اطفال يتـعاون
وامهم ام زينه حسينه
ابن العم :
لا زم ردف بش ودفـع لوالدك حق وفنـــون
لو نخليش عندي عوينه
في باديتنا السارحه تطفي القانـــــــون
انتي ماانتي بنت المدينه
العروس :
ني مابغيتك قلبي بصاحبي بس مشطـــون
مابدا قلب يعشق ثنينه
ابن العم :
مابا يذوقش والله لو بايمـــــــد مليــــــون
بعد ذا اليوم لا تذكرينه
العروس :
بذكره دايم لو باحلف كذب وابكي شنــون
من حلف بايكفر يمينه
ابن العم :
باقص راسش حد القديمي معي مسنـون
والمخابيط وسط الخزينه
العروس هنا تستنجد بامها
ياماه ياماه دركني غارني الملعـــــون
الام :
ايش بك ياربيله فك الوليده اسر يالمهيون
قبل لاعينك تشوف عينه
لاجا
المزيد
